+ Пенн Фостер ахлах сургууль магадлан итгэмжлэгдсэн үү?
Тийм ээ, Пенн Фостер ахлах сургууль нь Зайны боловсролын магадлан итгэмжлэх комисс (DEAC) болон Cognia-аас үндэсний хэмжээнд магадлан итгэмжлэгдсэн. АНУ-ын улсын магадлан итгэмжлэлээс гадна (CSS-MSA) буюу бүс нутгийн хэмжээнд магадлан итгэмжлэгдсэн.
(Commission on Secondary Schools of the Middle States Association of Colleges and Schools (CSS-MSA).
+ Пенн Фостер ахлах сургуульд Монгол сурагч өөрөө бүртгүүлээд сурах боломжтой юу?
Харамсалтай нь Penn Foster сургууль олон улсын сурагчдыг шууд элсүүлэн сургадаггүй бөгөөд Монгол Улсаас Гүрэн Инновацын сургуулиар дамжуулан сурч, дипломоо авах боломжтой.
+ Пенн Фостер & Гүрэн Инновацын онлайн ахлах сургуулийн сургалтын хөтөлбөр ямархуу байдаг вэ?
АНУ-д хүлээн зөвшөөрөгдөх ахлах сургуулийн диплом авахын тулд та үндсэн 16 хичээл, сонгон суралцах 5 хичээлийг судалж, амжилттай шалгалгаа өгсөн байх шаардлагатай. Сурагч бүр хөгжим, сэтгэл судлалаас эхлээд бизнесийн удирдлага, мал эмнэлгийн туслах гэх мэт мэргэжлийн хичээлийг 5 сонголтын хичээлийн хүрээнд судлах боломжтой. Манай сургалтын үндсэн хөтөлбөрт англи хэл, математик, нийгэм, шинжлэх ухаан, урлаг, хүмүүнлэгийн ухаан, эрүүл мэнд, биеийн тамирын хичээл ордог.
+ Цахим ахлах сургууль бүр магадлан итгэмжлэгдсэн байдаг уу?
Цахим сургууль бүр магадлан итгэмжлэлд хамрагдаагүй байдаг. Зайны боловсролын магадлан итгэмжлэлийн комисс буюу DEAC-аас та бүхэн итгэмжлэгдсэн сургуулийн листийг харах боломжтой. DEAC нь АНУ-ын Боловсролын яамнаас хүлээн зөвшөөрөгдсөн магадлан итгэмжлэлийн агентлагийн жагсаалтад орсон бөгөөд Дээд боловсролын магадлан итгэмжлэлийн зөвлөл (CHEA) хүлээн зөвшөөрдөг болно.
+ АНУ-ын ахлах сургуулийн диплом гэж юу вэ, ямар төрлийн дипломыг би авах вэ?
Сургуулиа амжилттай дүүргэснээр сурагч бүр АНУ-ын Ерөнхий бүрэн дунд боловсролын дипломыг гардан авна. Энэ диплом нь хамгийн түгээмэл дипломын төрөл юм.
+ АНУ-ын ахлах сургуулийн диплом хэр чухал вэ? Миний цаашдын амьдралд хэрхэн нөлөөлөх бол?
Коллежид элсэхийн тулд ахлах сургуулийн диплом хамгийн чухал шаардлагатай. Мөн ажилд ороход чухал үүрэг гүйцэтгэдэг. Ихэнх ажил олгогчид хамгийн багадаа ерөнхий боловсролын дипломтой байх шаардлага тавьсан байдаг. Манай сургууль зайны боловсролын магадлан итгэмжлэх комиссоор магадлан итгэмжлэгдсэн бөгөөд бид АНУ-ын Боловсролын яамнаас хүлээн зөвшөөрөгдсөн агентлагаас тогтоосон боловсролын хатуу стандартыг хангасан гэсэн үг юм. Энэ нь таны дипломыг ажил олгогчид болон ихэнх коллеж, их дээд сургуулиуд хүлээн зөвшөөрнө.
+ Сургалтын зээлэнд хамрагдах боломжтой юу?
Бид боловсролын зээлийн хүрээнд …… банктай хамтран ажиллаж байгаа бөгөөд та бүхэн зээлэнд хамрагдахыг хүсвэл Гүрэн Инновацын Сургуультай холбогдоорой.
+ Сурагчид зарим хичээлээ Англи хэл дээр ойлгохгүй асуудал гарвал Гүрэн Инновацын сургуулийн Монгол багш нар хэрхэн дэмжих вэ?
Хүүхэд бүрийн Англи хэлний түвшин харилцан адилгүй учир бид гарааны цэгийг ижил болгох зорилгоор Англи хэлний бэлтгэл анги нээсэн байгаа. Тус хичээлээр бид шинжлэх ухааны хичээлийг үзэхэд дэмжлэг болох Англи хэлийг түлхүү заана. Мөн хичээлийн явцад холбогдох сэдвүүдийн хүрээнд Англи хэлний хичээлийг цахимаар тогтмол заасаар байх болно.
+ Сургуульд элсэн ороход Англи хэлний түвшин шаардах уу?
Мэдээж та бүх хичээлээ Англи хэл дээр ойлгож, амжилттай сурахын тулд Англи хэлний дундаас дээш мэдлэгтэй байх шаардлагатай. Таны Англи хэлийг бид бэлдсэн тестийн дагуу шалгаж, элсэлтээ авах болно.
+ Монголынхоо ерөнхий боловсролын сургуульд сурангаа хажуугаар нь сурах боломжтой юу?
Бүрэн бололцоотой. Манай сургуулиас гаргасан сургалтын төлөвлөгөө нь Монголдоо Ерөнхий боловсролын сургуульд сурч байгаа сурагчдад тохируулж баталсан байгаа. Сурагчид сургалтын төлөвлөгөөний дагуу сахилга баттайгаар суралцах нь чухал юм.
+ 18 сарын турш сургуульдаа сурч, амжилттай дүүргэхэд долоо хоногт ойролцоогоор хэдэн цаг зарцуулах вэ?
Долоо хоногт ойролцоогоор 14 цаг буюу өдөрт 2 цагийг сахилга баттайгаар хичээлдээ зарцуулснаар сурагч бүр сургуулиа амжилттай дүүргэх боломжтой.
+ Нийт сургалтын төлбөр хэд вэ?
18 сарын турш сурч, дипломоо авах нийт төлбөр 6,900,000 (зургаан сая есөн зуун мянган) болно.
+ Сургалтын төлбөрөө хувааж төлөх боломжтой юу?
Харамсалтай нь тийм боломж байхгүй бөгөөд та хичээл эхлэхээс өмнө төлбөрөө 100% төлсөн байна. Харин та pоcket zero, store pay ашиглах эсвэл …….. банкны боловсролын зээлэнд хамрагдах боломжтой.
+ 18 сарын хугацаанд хичээлээ бүрэн үзэж дуусаагүй бол яах вэ?
Хичээлийн хуваарийн дагуу та тус хугацаанд хичээлээ бүрэн судалж, шалгалтуудаа өгч дууссан байх үүрэгтэй ба цахим анги автоматаар хаагдана. Харин та тус хугацаанд цуглуулсан кредитээ тооцуулж, үлдсэн хичээлээ бидэнд өргөдөл гаргаж, холбогдох төлбөрийг төлснөөр хичээлээ үргэлжлүүлэн судалж дууссанаар дипломоо авах боломжтой.
+ АНУ-д биечлэн очиж дипломоо авах боломжтой юу?
Та цахимаар дипломоо гардан авсны дараа АНУ-д биечлэн очиж ахлах сургуулийн дипломоо гардан авах бүрэн боломжтой. Гүрэн Инновацийн Сургуулиас танд холбогдох зардлаас бусад бүх дэмжлэгийг үзүүлнэ.
+ Жилд хэдэн удаа элсэлт авах вэ?
Элсэлт авах хугацаа:
I элсэлт - 8.15 – 9.25
II элсэлт – 1.15 – 2.25
+ Элсэлтийн хураамж байгаа юу?
Элсэлтийн хураамж буюу Англи хэлний түвшин тогтоох шалгалтын төлбөр нь 85,000 (Наян таван мянган) төгрөг болно. Та тэнцэх тэнцэхгүйгээс үл хамаарч элсэлтийн хураамжийг буцаан олгохгүй болно.
